Gedichten bundels van Walter Palm

Den hòfi di literatura
abundansha di buki i
fruta di inspirashon.
Kada buki ku su mes
koló i sabor.

Tin ta kòrá, bòl
di pashon i amor.
Mayoria ta dushi
manera kenep’i dam.
Aunke tin buki
ku ta smak rans,
nan tin rais
den odio.

Buki no sa bai drumi.
Semper bai nan ta kla
pa duna un man,
pa alsa alma di nan
lektor.

Ora silensio di ignoransia
ta reina,
ta boka di biblioteka
ta papia,
pa habri kaminda
pa makutu di sabidoria.

I ora ku nos ta sin grasia
ta mes un remedi,
ta buki mes ta dibertí.
Ai, ta su kuki…

Walter Palm Copyright 2023

Klòknan di Pasku
ta zona otro.

Nan ta yora
esnan ku a bai sosegá.

Nan ta konta
Pierre su kuenta di “Petra su kas”.

Y nan ta kanta
di armonia i pas.

Walter Palm Copyright 2023